Ommaviy oferta

Ommaviy oferta
FOYDALANUVCHI KELISHUV BITIMI

Ushbu foydalanuvchi kelishuv bitimi, bundan keyin "Kelishuv bitimi", internetda aiko.uz manziliga ega bo'lgan www.aiko.uz bundan keyin "Internet-do'koni" yoki "sayt" o'rtasida va Internet-do'kon xizmatlaridan foydalanuvchi, bundan keyin "Xaridor" o'rtasida tuzilib, Sayt orqali tovarlarni sotib olish shartlarini belgilaydi.

1. Asosiy qoidalar 1.1. Ushbu kelishuv bitimi buyurtma berish vaqtida Xaridor va internet-do'kon o'rtasida tuziladi. Xaridor ushbu kelishuv bitimida belgilangan shartlarga roziligini tasdiqlaydi.
1.2. Ushbu kelishuv bitimi shuningdek Saytda taqdim etilayotgan mahsulot to'g'risidagi ma'lumotlar O'zbekiston Respublikasi Fuqarolik Kodeksining 386-moddasi, 2-qismi, 3-kichik bo'limiga muvofiq ommaviy oferta hisoblanadi. 1.3. Xaridor va internet-do'kon o'rtasidagi munosabatlarga nisbatan masofadan turib tovarlarni sotish to'g'risidagi O'zbekiston Respublikasi Fuqarolik Kodeksining qoidalari, shuningdek, "Iste'molchilarning huquqlarini himoya qilish to'g'risida" gi O'zbekiston Respublikasi Qonunining 1996 yil 2 apreldagi 221-I-sonli va boshqa ularga muvofiq qabul qilingan huquqiy hujjatlar qo'llaniladi . 1.4. Xaridor o'zi buyurtma qilgan tovarlarni ushbu kelishuv bitimida belgilangan tartib va sharoitlarda O'zbekiston Respublikasi hududida qabul qilish va to'lashga qodir bo'lgan har qanday jismoniy yoki yuridik shaxs bo'lishi mumkin.
1.5. Internet-do'kon ushbu kelushuv bitimiga o'zgartirish kiritish huquqiga ega. 1.6. Ushbu kelishuv bitimi Saytda e'lon qilingan shaklda ko'rib chiqilishi va O'zbekiston Respublikasi qonunchiligiga muvofiq qo'llanilishi va talqin qilinishi kerak.
2. Mahsulot haqida ma'lumot 2.1. Mahsulot Internet-do'konning mulki bo'lgan fotosurat namunalari orqali Saytda taqdim etilgan. 2.2. Har bir namunaviy fotosurat matnli ma'lumotlar: artikul, narx va mahsulot tavsifi bilan izoxlangan.
2.3. Xaridorning iltimosiga binoan, Internet-do'kon menejeri xaridor nuqtai nazaridan tovarni xarid etish to'g'risida qaror qabul qilish uchun zarur va etarli bo'lgan boshqa ma'lumotlarni (telefon orqali yoki elektron pochta orqali) taqdim etishi shart. 2.4. Saytda ko'rsatilgan tovarning narxi Internet-do'kon tomonidan bir tomonlama o'zgartirilishi mumkin. 2.5. Internet-do'kon tovar to'g'risidagi ma'lumotlarni, shuningdek, tovar xususiyatlari va tavsiflarini bir tomonlama ravishda o'zgartirish huquqiga ega.
2.6. Internet-do'kondagi barcha tovarlar sertifikatlangan bo'lib O'zbekiston Respublikasining milliy sertifikatsiyasidan o'tgan.

3. Tovarni sotib olish tartibi
3.1. Xaridor Saytda taqdim etilgan har qanday tovarga buyurtma berish huquqiga ega. Har bir tovarga istalgan miqdorda buyurtma berish mumkin. Buyurtmani xaridor quyidagi tarzda rasmiylashtirishi mumkin: mustaqil ravishda Saytda, aloqa markazi operatori yordamida. 3.2. Buyurtma rasmiylashtirilganidan so'ng, Xaridorning telefon raqamiga buyurtma qabul qilinganligini tasdiqlovchi xat yuboriladi. Bundan so'ng, internet-do'kon menejeri buyurtmani tasdiqlash uchun ( telefon orqali yoki elektron pochta orqali) Xaridor bilan bog'lanadi.
3.3. Omborda tovar yo'q bo'lgan holda, Internet-do'kon menejeri bu haqda (telefon orqali yoki elektron pochta orqali) Xaridorni xabardor qilishi shart. 3.4. Tovar bo'lmagan taqdirda, Xaridor uni boshqa tovarga almashtirishga yoki buyurtmani bekor qilishga haqlidir. 3.6. Xaridor buyurtma qilingan tovarni unga yuborilishidan oldin istalgan vaqtda bu haqda Internet-do'konni oldindan (telefon yoki elektron pochta orqali) ogohlantirgan holda rad etish huquqiga ega. 3.7. Xaridor buyurtma qilingan tovarni quyidagi shartda rad etish huquqiga ega Almashish va qaytarish bo'limiga qarang.
4. Tovarni etkazib berish va qabul qilish-topshirish
4.1. Internet-do'konda buyurtma qilingan tovarni kelishilgan miqdor va assortimentda yetkazish yetkazib berish xizmati tomonidan Toshkent shahri bo'yicha amalga oshiriladi.

4.2. Tovarni yetkazib berish xarajatlari Xaridor tomonidan Saytdagi "To'lov" va "Yetkazib berish" bo'limlarida ko'rsatilgan tariflar bo'yicha to'lanadi.
4.4. Buyurtma qilingan tovarni yuborish va yetkazib berish Xaridor bilan kelishilgan muddatlarda amalga oshiriladi. 4.5. Xaridor tomonidan tovar qabul qilinganligini tovar uchun to'lov (buyurtmaning umumiy summasi va xaridorga tovarni yetkazib berish xarajatlari summasi to'lovi) bildiradi .

5. Tovar uchun to'lov 5.1. Tovarlar uchun to'lov usullari Saytda "To'lov" va "Yetkazib berish" bo'limlarida ko'rsatilgan. 5.2. Hisob-kitob qilayotganda Xaridor tovar uchun to'lovni Internet-do'kon vakili bo'lmish yetkazib berish xizmati kuryeriga pulni topshirish yo'li bilan to'laydi.
5.3. Tovar uchun to'lov faqat O'zbekiston Respublikasi milliy valyutasida (O'zS) amalga oshiriladi.

6. Boshqalar 6.1. Internet-do'kon Saytdagi tovarlar taklifini kengaytirish va qisqartirish, har qanday tovarni xarid qilish uchun kirishni boshqarish, shuningdek har qanday tovarni sotishni o'z ixtiyori bilan to'xtatib turish yoki to'xtatish huquqini o'z zimmasida saqlab qoladi. 6.2. Internet-do'kon cheksiz miqdorda aktsiyalar va chegirmalar o'tkazish huquqiga ega.
6.3. "Shaxsiy ma'lumotlar to'g'risida" gi qonunga muvofiq, buyurtma joylashtirayotganda siz Internet-do'konga ma'lumot yuborish va tovarlarni bozorda ilgari surish uchun shaxsiy ma'lumotlaringiz bilan ishlashga rozilik bildirasiz. Ushbu rozilikni siz yozma ravishda xabar yuborish orqali bekor qilishingiz mumkin. Bunday holda, sizning shaxsiy ma'lumotlaringiz yo'q qilinadi va ular bilan ishlash biz xabar olgan kundan boshlab 7 ish kuni ichida to'xtatiladi.

6.4. Sotuvchi xaridorning shaxsiy ma'lumotlariga, shuningdek ushbu Kelishuv bitimini bajarish bilan bog'liq bo'lgan sotuvchiga ma'lum bo'lgan xaridor to'g'risidagi boshqa ma'lumotlarga nisbatan maxfiylikni saqlashga majburdir, agar bunday ma'lumotlar:

ommabop; Xaridorning talabi yoki uning ruxsati bilan ochiq; qonunda nazarda tutilgan asoslar bo'yicha yoki suddan yoki vakolatli davlat organlaridan tegishli so'rovlar olinganidan keyin oshkor etishni talab qilingan; Tomonlarning kelishuvida nazarda tutilgan boshqa asoslarga ko'ra oshkor etilgan bo'lmasa.

6.5. Sotuvchi, agar Kelishuv bitimining yangi tahririda o'zgacha tartib nazarda tutilmagan bo'lsa, Kelishuv bitimiga o'zgarishlarni www.aiko.uz saytida e'lon qilish orqali bir tomonlama kiritish huquqiga ega. 6.6. Kelishuv bitimi Xaridor va Sotuvchi o'rtasida yuridik majburiy shartnoma bo'lib, "aiko.uz" internet-do'konida xaridlarni amalga oshirish qoidalarini o'z ichiga oladi.

6.7. Ushbu shartnoma sotuvchi xaridorga kassa yoki tovar chek yoki tovar uchun to'lovni tasdiqlovchi boshqa hujjat bergan paytdan, yoki sotuvchi tovarni xarid etish niyati to'g'risida xabar olgan paytdan boshlab tuzilgan hisoblanadi.

To'qima mebel: Uy uchun mebel: "AIKO RATTAN" MChJ
"AIKO WOODS" MChJ

O'zbekiston Respublikasi Toshkent shahri www.aiko.uz sayti ma'muriyati